شلونكم شباب جبتلكم ابوذيات علا الجرح

هل تعلمون اعزائي بأن

1. جنة عدن كانت في العراق.
2. الرافدين, مهد الحضارات, هي في العراق.
3.نوح بنى الفلك في العراق.
4.قلعة بابل كانت في العراق.
5.ابراهيم كان من اور, الواقعة جنوب العراق.
6. راحيل زوجة اسحاق من ناحور, الواقعة في العراق.
7. يعقوب عرف راحيل زوجته في العراق.
8. يونان بشر اهل نينوى الواقعة في العراق.
9. اشور, التي هى فى العراق, غلبت القبائل الاسرائيلية.
10. عاموس بكى في العراق.
11. …

ما هى المسيحية ؟
المسيحية دين يستند إلى تعاليم ومعجزات يسوع المسيح . يسوع هو السيد المسيح. كلمة (المسيح) تعنى الممسوح من الله الآب. فتنبأ عنه أشعياء النبى قائلاً "روح السيد الرب عليّ لان الرب مسحني لابشر المساكين ارسلني لاعصب منكسري القلب لانادي للمسبيين بالعتق وللماسورين بالاطلاق." (أشعياء 61 : 1) ، السيد المسيح جاء إلى هذا العالم، ليتمم نبوءات و شريعة العهد القديم (التوراة)، ومات على …

المعروف أن بعض المسيحيين يرسمون إشارة الصليب كدليل
على إيمانهم بالمسيح المخلص، وتذكير لهم بعمل المسيح الفدائي وموته عن الخطاة على الصليب. والمعروف أن السيد المسيح مات طوعاً على الصليب فداءً عن خطايا العالم، ليخلص الناس من خطاياهم بحسب ما ورد في الكتاب المقدس: "لأنه هكذا أ؛ب الله العالم حتى بذل ابنه الوحيد، لكي لا يهلك كل من يؤمن به بل تكون له الحياة الأبدية"(يوحنا 16:3). فعادة رسم …

يل بهمك ملابس لابستني
وثوب الحزن بيدك لبستني
رحت لا صالحتني لا بستني
ولا گتلي چذب حقك عليه

اريد ازلم خديدك واشتم نه
واريد انعل ابك واشتمنه
تدري شراد گلبي وش تمنه
عله صدرك اموت وهاي هيه

اطلبه واجه وفاني سوا دين
شدهني وصارن براسي سوادين
يحگلي احزن عليك البس سوادين
الوجه و الثوب اصبغهن سويه

گبل عنگود خدك يمي داني
غفيت و رمش عينك يم اذاني
اغم گصتي و اصيحن يمداني
يمي وما خذت ثاري بديه

بدمع عيني كتبتلك خاطره انه
والك ما يوم كاسر خاطر انه
غير انته تجيني خاطر انه
اجيلك معتني زحوف عله اديه

ارظعتني الدنيه همهه من ندهه
طحت و الطيحه طيحه من نهدهه
والله بگلبي حسره من اهدهه
ابچي المن صخر گلبه عليه

البشر معدن تعرفه بيك ينحك
بيوم التوگع و مكسور ينحك
علي خيط المصايب گام ينحاك
والتكتلك حبيبي الحاكه اليه

وحگ من غنت الاطلال وانساك
ما تحله الليالي بغير ونساك
وصوتك مو مثل كل صوت و انساك
وابد ما يوم مر نسيان بيه

أأمرني و البيلك عسلبيك
وعساهن بيه يفترن عسه البيك
حنظل لو ظگت خدي عسل بيك
وشفتك للنحل وجبه شهيه

جاري الاتصال وياك جاري
يامن حبك نهر بالروح جاري
وين اللة وبيوم تصير جاري
احنة الباب والحايط سوية

بيا اية حسن ابدي و اشبهان
وحبك نار يمدلل وشبهن
و يريت اغفه عله خدودك و اشب هان
واحط خد عله خد و هاي هيه

اريد انشد ضهاري الصيف و اسعه
عله ام حلگ الزغير و عين وسعه
يحفار الگبر بالله عليك وسعه
بلكي تصير موتتنه سويه

يگلبي الي تحبهه رابط الهه
وحرز بالروح صدگ رابط الهه
انا الشاعر واسوي رابطه الهه
واخلي اهل الشعر تحتار بيه

طيور العمر لا مدن ولا جن
وما عرف علتي لا انسي ولا جن
ولابيره التسكرني ولا جن
واسكر من يمر رسمك عليه

احبك من زمن جدك و جدي
وحب گلبي الك ثابت و جدي
واريد اوگف ابابك و اجدي
بلچي و ينكسر گلبك عليه

كافي من الهجر يا عمي بس بس
ومن بأذنك عله الهجران بس بس
چنت تركض من اصيح بصوت بس بس
شجاك شغيرك هسه عليه

غرف رمان خدك غرف تين
واريد اغرفلي من خدك غرفتين
تأجر مشتمل گلبي غرفتين
و الايجار بوسه بكل مسيه

احبك وانته عاقل وانته بهلي
ولاني اني بهلك وانته بهلي
شوف شراح اگلك وانتبه لي
احبك يالله وخر هاي هيه

نسيت اسمي دذكروني انا من
وبأقرب ناسي ما اگدر انا امن
والچنت بعيونه اتغطه وانامن
بچاني ويه الدمع ما رحم بيه

جبل و الصخر ملبوسي و هدماي
وعلي هد بعطش يكتل و اهد ماي
صعب يا وكتي تحريكي و هدمي
حته من ارد اطيح اوگع عليه

سنه فاتت عله فراگك ونصهه
نظرتك عني قللهه و نصهه
نصيحه اليوم اسولفهه و انصهه
ابعد لا تهيج الألم بيه
،،،،،،،،،،، تعبت من الكتابه والله ،،،،،،،،،
تحيتي
@@@ قلبو

ابن المنصور قلبو

@@@

تسلم حبيبي ابن المنصور عله هاي الابوذيه الحلوه منور حبي ويانه بلمنتدى حببي

النور نورك حبي

عاشت ايدك وردة على الابوذيات الحلوة
تقبل مروري