ابد موعشرة هاي وياك طلعت
ومن كثر الهموم الروح طلعت
شفت مرة شمس باليل طلعت
اكل للناس ميصدكون بيه
تظل نجمة يضي العين بسماي
ويظل اسمك حبيب العمر بسماي
ما يروي العطش بجفاك بس ماي
العطش ترويه بوصالك عليه
قرص نعناع خدك وانتة هيلة
والحسن بس لجنابك وانتة هيلة
وتراب اللحد بيدك وانتة هيلة
تهيل ويهيل دمعك علية
عليك الروح نص الليل ...ونت
لان برغي الكلب مفتوح ...والنت
ادور عليك بالقاعات ...والنت
اذا موجود فدوة رد عليه
صرنه نجوم لكن . مالمعنه
والف يا وسفه بختك . مال معنه
زعلك صار ماصخ . ماله معنه
اراضيك وترد تزعل علي
احباب النحبهم ما رادونـــــــــــــــــــــــــــــا
جفونا وبجفاهم مردونــــــــــــــــــــــــــــــــا
ولك صرت طوبة واليلعب بيها مارادونـــــا
مدكولي بعد يا كولجي يلحك علية
حبيبي اعيون عنده اتكول ماسات
وحياتي بغير حبه اصبحت مأسات
حلمت اديه اعله موج الشعر ماسات
نهضت مرعوب واديه خاليه
احبك وغير حبك لا يلفني
وعسى منامي بعد فركاك لايلفني
دخيلك لف شعرك لايلفني
حرير ويلعب بين اديه
لا تنسونا بالردودكم الحلوة